Pasayod i

Ang Pasayod

ng Dios kay Juan

Ang Pang-una nga Hambay

Ang libro ng Pasayod hay gingsulat ni Juan, nang mga adlaw nga nakakaagi ang iglesya ning mga kasakit tungod sa inda pagtuo nga si Hesus ang Ginoo kag Manluluwas nga gingpangakò ng Dios. Si Juan hay isa sa 12 nga gingpilì ni Hesus nga iya maging apostol. Kag tungod sa iya pagsunod kay Hesus, gingpatapok siya sa isla ng Patmos.

Kung basì siya nagsulat hay para taw-an ning paglaom kag patibayon ang pagtuo ng iya mga kaibahan, kag laygayan sinda nga magtinguhà gid nga maging matutom sa Dios sa tanan nga oras abir pa sa kahugaan kag kamatayon tungod sa inda pagtuo.

Ang kadamuan sa ini nga libro hay pagpasayod parti sa mga butang nga paabuton paagi sa mga panan-awon kag sa mga simbulo nga nagapakità bilang kamatuuran kung ano ang mga matatabò sa ulihi nga adlaw. Sa mga nagatuo, ini hay nagatao ning paglaom kag kalipay. Pero sa mga wayà nagatuo ini hay nagatao sa inda ning kahadlok.

Abir bukon pare-pareho ang pang-intindi ng mga nagabasa sa gusto hambayon ng mga nakasulat diri, ang gusto ipasayod ng Dios hay klaro gid: paagi kay Hesu-Kristo, peperdihon ng Dios ang iya mga kaaway kaibahan si Satanas. Kag may madamò nga premyo nga mababaton ang iya mga ongà nga matutom kag matiniison.

Ang Mga Suyod

I. Ang Pang-una nga Hambay (1:1-3)

II. Ang mga Mensahe sa Pito nga Iglesya (1:4-3:22)

III. Ang Pagsamba palibot sa Trono ng Dios (4-5)

IV. Ang Pito nga Kasulatan nga Silyado (6:1-17, 8:1)

1. Ang Pang-una hasta sa Pang-unom nga Kasulatan nga Silyado (6:1-17)

2. Ang 144,000 nga mga Gingtatakan para sa Dios (7:1-8)

3. Ang Pagtao ng Premyo sa mga Nagdaog (7:9-17)

4. Ang Pangpito nga Kasulatan nga Silyado (8:1)

V. Ang Pito nga Trumpita (8:2-9:21, 11:15-19)

1. Ang Pang-una hasta sa Pang-unom nga Trumpita (8:2-9:21)

2. Ang Maisot nga Kasulatan (10)

3. Ang Duha nga Testigo (11:1-14)

4. Ang Pangpito nga Trumpita (11:15-19)

VI. Ang Dragon kag ang Duha nga Makahiyadlok nga Hayop (12-13)

VII. Ang Karnero kag Ang 144,000 (14)

VIII. Ang Pito nga Salot nga Hambawan (15:1, 15:5-16:21)

1. Ang Pito nga Salot (15:1)

2. Ang Kanta ni Moises (15:2-4)

3. Ang Pito nga Anghel nga Nagadaya ng Pito nga Salot (15:5-16:21)

IX. Ang Hostis kag ang Makahiyadlok nga Hayop (17)

X. Ang Pagkasirà ng Babilonia (18)

XI. Ang Punsyon ng Karnero (19)

XII Ang Isa ka Libo ka Tuig (20:1-6)

XIII. Ang Katapusan nga Paghusga (20:7-15)

XIV. Ang Bag-o nga Jerusalem (21-22)